逆天奇案2丨69歲張雷演賊王晒弗爆身形　「金輪法王」靠食長齋+運動回春

現年69歲的張雷於83年版《神鵰俠侶》裡飾演「金輪法王」而為人熟悉，這位老戲骨更是一位特技人，相隔17年張雷再度參演無綫劇集，於近日播映的《逆天奇案2》驚喜登場，身手敏捷可說寶刀未老！

昨晚（4月22日）播出一集講述「賊王逃獄案」，劇情交代張雷所演的賊王石少波服刑廿多年，竟然在刑期最後一個月時逃獄，Nic Sir（黃智賢飾）跟調回CIB工作的阿Wing（林夏薇飾）在追捕過程中發生意外，被少波成功逃脫，今晚（4月23日）一集將會揭露賊王逃獄真相。

逆天奇案2丨方力申感激父母為家庭無條件奉獻　 一直與雙親同住有原因

▲ 「金輪法王」張雷相隔17年再度亮相TVB劇集。（TVB提供）

逆天奇案2丨張雷：最好TVB搵多啲我拍劇

張雷對上一次亮相TVB劇集已是17年前的《蕭十一郎》，今次相隔多年再度演出《逆天2》，令觀眾大感驚喜。

問到為何今次願意參與《逆天2》，張雷受訪時說：「監製同編審打電話畀我同我講故仔，我聽完之後覺得幾好玩，咁咪應承拍兩集囉！」

問到有否戲癮？他笑言：「其實出面一直都拍緊嘢，網劇、電影都有參與，梗係有戲癮啦，最好TVB搵多啲我拍劇！」

逆天奇案2丨馮盈盈喊戲連場急搵泰臣「補鐘」　高鈞賢升呢成TVB劇御用暖男

▼點擊圖片放大

+13

+12

逆天奇案2丨分享保健之道

武打演員出身的張雷，劇中有不少騷Quali場面，分別是街頭追逐和半裸舉啞鈴晒爆肌場口，不過對他來說卻是Easy Job，張雷笑言：「呢個角色真係啱晒我，又要有啲年紀，又要有啲動作戲，又要有文戲。」

張雷分享保健之道：「平時唔使開工都會Keep住做運動，多數喺黃昏時候做，會先跑幾公里做熱身，之後玩吓啞鈴、掌上壓、Sit Up咁練吓體能，有時亦會打吓沙包、打吓拳、打吓功夫咁，加加埋埋都差唔多2個鐘。食方面我都幾清淡，因為我食咗幾十年齋㗎喇。」

最新影片推介：吳家樂專訪

逆天奇案2丨武師出身身手敏捷

自小隨父親學洪拳的張雷，後來習南少林的柔功門，並曾在香港國術總會舉辦的全港武術公開比賽中奪冠，18歲已開設武館。

入行前張雷曾修讀武打演員訓練班，未滿師已做電影替身，其後加入龍虎武師行列，曾跟大導演張徹拍戲，

70年代中期，張雷加入TVB當演員，首部演出劇集為《C.I.D.》，1980年，張雷與17名武師組成「神風特技隊」，接演電影與電視的飛車特技場面。

他曾於訪問中自揭成立「神風特技隊」原因：「因為我哋識飛車，又做龍虎武師、武術指導。睇過幾套戲嘅飛車場面好勁，我都好入迷，當時旁邊觀眾反而話『香港拍呢啲飛車唔得』，我條氣有啲唔順，好似我哋都得喎，觀眾唔知頭唔知路喺度亂講，咁我就決定搞一隊特技隊，」

▼點擊圖片放大

+11

+10

逆天奇案2丨寵妻男由太座掌財政權

至於家庭方面，張雷相當長情，在2017年與拍拖39年的女友鄭淑儀結婚，太太確實是他的賢內助，張雷平時的工作如登台、拍戲等，全由鄭淑儀負責安排，太太更手握財政大權。

張雷曾接受媒體訪問說：「現在衣食住行都由她照顧，不用為錢煩惱，總之銀包裏永遠都有千多元，夠與朋友飲茶食飯，不夠還可簽卡。」

HKET App已全面升級，TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m

追蹤TOPick Whatsapp頻道睇最新資訊︰http://tinyurl.com/3dtnw8f5